महाराष्ट्र प्रदेश काँग्रेस कमिटीचे अध्यक्ष नाना पटोले यांची माझगाव क्रिकेट क्लबचे प्रतिनिधी म्हणून निवड करण्यात आली असून मुंबई क्रिकेट असोसिएशनच्या निवडणुकीत मतदार म्हणूनही नाव नोंदणी झाली आहे. आता नाना पटोले हे मुंबई क्रिकेट असोसिएशनची निवडणुक लढवण्याची शक्यता वर्तवण्यात येत आहे. Nana Patole Mazgaon Cricket Club
तरुण खेळाडूंच्या भल्यासाठी प्रयत्न करेन-पटोले
यावर प्रतिक्रिया देतांना नाना पटोले यांनी सोशल मीडिया प्लॅटफॉर्म X वर लिहिले की, मुंबई क्रिकेट असोसिएशनमध्ये माझगाव क्रिकेट क्लबचे प्रतिनिधित्व करण्याची संधी दिल्याबद्दल मी माझगाव क्रिकेट क्लबच्या सर्व सदस्यांचा, पदाधिकाऱ्यांचा आभारी आहे. यापूर्वी मा. मुख्यमंत्री विलासराव देशमुख, गोपीनाथ मुंडे, पृथ्वीराज चव्हाण यांच्यासारख्या दिग्गजांनी माझगाव क्रिकेट क्लबचे प्रतिनिधित्व केले आहे. तीच संधी आज मला मिळाली, याबद्दल मी कृतज्ञ आहे. मी माझगाव क्रिकेट क्लब आणि समस्त क्रिकेट प्रेमींना आश्वासन देतो की, मी क्रिकेटसोबतच सर्वसामान्य कुटुंबातून आलेल्या तरुण खेळाडूंच्या भल्यासाठी सर्वतोपरी प्रामाणिक प्रयत्न करेन. Nana Patole Mazgaon Cricket Club
MCA च्या निवडणुकीच्या रिंगणात उतरणार!
काँग्रेसचे ज्येष्ठ नेते व माजी मुख्यमंत्री विलासराव देशमुख, पृथ्वीराज चव्हाण, माजी केंद्रीय मंत्री गोपीनाथ मुंडे यांच्यानंतर काँग्रेस प्रदेशाध्यक्ष नाना पटोले हे माझगाव क्रिकेट क्लबचे प्रतिनिधित्व करणार आहेत. नाना पटोले जर MCA च्या निवडणूक रिंगणात उतरले तर मुंबई क्रिकेट असोसिएशनची निवडणूक रंगतदार होऊ शकते. Nana Patole Mazgaon Cricket Club